குலதீப் கைரோலா  அவர்கள் எழுதிய ஹிந்தி நூலின் தமிழாக்கம் . மொழிபெயர்ப்பு ---திரு எஸ். அனந்தகிருஷ்ணன் , ஹிந்தி பிரச்சாரக் . ஒய்வு பெற்ற தலைமை ஆசிரியர் , ஹிந்து மேல்நிலைப்பள்ளி ,திருவல்லிக்கேணி ,சென்னை ==600005 ======================================================== தலைமையின் கயிறு வெற்றியை நோக்கி 1.பார்வையை மாற்றுங்கள் மனித நாகரீகத்தின் வரலாறு போராட்டங்களால் உண்டான தேவையும் ,தேவையால் உண்டான கண்டுபிடிப்புகளும் மற்றும் விடைகளின் வரலாறுமாகும் .மனிதனின் சிறு சிறு கூட்டங்கள் சமுதாயமாக மாறியது .சமுதாயங்கள் நாடாக மாறின . தங்கள் தங்கள் சிந்தனையாளர்களால் / மதகுருக்களால் கணிக்கப்பட்ட நியமங்களையும் பழக்கவழக்கங்களையும் பின்பற்றி வழ்கின்றனர். இந்த ஆச்சாரங்களும் எண்ணங்களாலும் தான் நாட்டின் பண்பாடு நிறுவப்பட்து .நிகழ் காலமும் எதிர் காலமும் பாதுகாப்பாக இருக்க மனித சமூகம் தங்களது தேவைகளைப் பூர்த்தி செய்வதற்காக திட்டங்களை அமைத்தது .நிகழ்கால எதிர்கால நலன்களுக்கு செயலாற்றுவது ஒரு சமூகத்தின் அல்லது ஒரு அமைப்பின் தேவையாகும் . செயல்முறைகளுக்கு வழிகாட்டவும் குறிக்கோள்களை அடையவும் நிர்வாகத்தினரும் தலைமையும் அவசியமாகும் .நிர்வாகி குறுகிய வட்டத்தில் இருந்து வெளியில் வந்து தொலைநோக்குடன் பணியாற்றினால் தலைவராக முன் வருகிறார். அநேக தலைவர்கள்  தங்கள் குறுகிய வட்டத்தில் இருந்து வெளிப்பட்டு வரலாற்று சாதனைகள் செய்து மனித நாகரீக வளர்ச்சிக்கு பங்களித்தனர் .