என்னத்தே எழுதுவது, எண்ணங்கள் எழுதுகிறேன்.

 

என்னத்தே எழுதுவது,-நான்  என் எண்ணங்களை எழுதுகிறேன்.   செய்த   புண்ணியங்களையா-அல்லது  சேர்த்த பாவங்களையா ? சொன்ன பொய்களையா , சொல்லமுடியாத  உண்மைகளையா? என்னத்தே எழுதுவது-என்  எண்ணங்கள் எழுதுகிறேன். கொட்ட முடியாததை  கொட்ட நினைத்தாலும், சமுதாய  அச்சத்தால்-சற்றே  அடங்கியே எழுதுகிறேன். அடங்கியே அடக்கியே வாசித்தாலும், அட்டகாச  சிரிப்புக்கு  அமைதியாக எழுதம் எண்ணம், அலைஅலையாய் வந்தாலும், ஆசிரியர் ,ஆ சிறியரா? என்ற எண்ணம்  எழா  வண்ணம்,-  எழுதுகிறேன்.  நெடுமால் திருமுருகா  , நித்தம்-நித்தம், இந்த  இழவா ? ஏடு தொலையாதோ , எழுத்தாணி முறியாதோ, வாத்தியார் சாவாரோ  வயித்தெரிச்சல் தீராதோ/ என்றே எண்ணம் கொண்ட  மாணவர் சமுதாயம்  இருந்த  பள்ளியில் ,பணியேற்ற நாள் முதல், ஆசிரியர்கள் விலைபோகும்  பள்ளியில் பணியாற்றும் சூழலில், கற்க ஆர்வமுள்ளோர் அரசு பள்ளிகளை  விட்டு தனியார் பள்ளி செல்லும்போது, படும் எரிச்சல் எப்படி எழுதுவதோ/ என்னத்தே எழுதுவது, எண்ணங்கள் எழுதுகிறேன்.